Израилийн Ерөнхий сайд Биньямин Нетаньяху Израиль болон Америкийн байр суурь Ираны асуудлаар зөрөлдөж байгаа гэсэн таамгийг үгүйсгэж байна. Тэрээр Израилийн талаас АНУ-ын Ерөнхийлөгч Дональд Трампад нөлөөлж Ираны дайныг эхлүүлсэн гэх мэдээллийг үгүйсгэж, “Ерөнхийлөгч Трампад юу хийх, ямар шийдвэр гаргахыг нь хэн нэгэн заах боломжтой гэж бодож байна уу?” гэж асуужээ.
АНУ-д олон нийтийн дунд Вашингтон ямар шалтгаанаар Ираны эсрэг дайн эхлүүлсэн, Израиль ямар оролцоотой, хэнд ашигтай гэхчлэн олон асуулт урган гарч ирж, хэлэлцүүлэг өрнөөд байгаа юм.
